Yachem ki dkhot ka Synjuk Ki Rangbah Kur wa u CEM ka JHADC yow pynneh pynsah yei chim jait na ka bei

Ki dkhot ka Synjuk Ki Rangbah Kur Ka Bri U Hynñiewtrep hapoh i yahkhmat u R.L. Kharpran, President, u Raphael Warjri, General Secretary, u R.L. Blah, Spokesperson; da lai yachem ki wa u CEM ka JHADC, u Thombor Shiwat hajrong i thmu wow paan kyrchaan na ka JHADC neibynta u pynneh pynsah yei rukom chim jait na ka bei kamwa da sikai nadooh ki por tynde deiwa pynskem næ tipmit da ka aiñ yeini waroh.

Hawa yaklam wa kiwa yahkhmat ka Synjuk hadien wa dep yachem ki wa u CEM, ong ki wa i rukom e jait cha ka bei toh ka rukom wa ka riti dustur ka jaitbru, kamtæ sñiaw emkaam ki wow pynneh pynsah neibhah wa i e  jait cha u pa ym du wow ktah ko ha Khasi Hills tang daw ktah ko ya ka Bri U Ynñiawtrep waroh kawi najrong wa ktah ko leh yaka imlang sahlang wa ka jaitbru.

Ha i yachem yong ki wa u CEM wa da emlang leh u Dy. CEM, ki EM ong ki wa man kawa sñiawsuk kamtæ yooluti ki leh wa ka Council u chimkhia ko yei dawa yong ki.

Da kdaw haroh ki wa kamwa da jia ha KHADC i pyrchang pynmih aiñ yong ki kawi hadien tangwa ymtip iyi mut wei thmu ko wei cheiwon u yah ko.

Related posts

Dawa kiwa rep wa ki tre thaw na u DC deilang ka MSPCB wow takit yei chah khanglaad ki ha ki pulit

August 4, 2026

Da khut ya ki Contractor cha ka yalang yow yaklam hajrong ki Bill ka JJM wa sah da ki snem

August 4, 2026

Na itæ i daw khut kyntu haroh ki ya waroh ki bru ka Bri U Ynñiawtrep wow ya ksohktilang ki neibynta u pyndooh pyndam ya kiwon kiwon wa ktah ya ka mynried ka jaitbru kam i e jait pa wa kiwi.

Ong haroh ki wa ki ym chong kli kti ki hajrong i chah tynjooh ka mankur manjait ka Bri U Ynñiawtrep neibhah wa pyrkhat ki yei bha ka pateiñ i mankur manjait katkam ka dustur.