theme-sticky-logo-alt
theme-logo-alt

Yachem ki heh sorkar yow yaklam yei emkaam ka thaaiñ mihsngi

Kam chibynta ka lehkmen dap 75 snem i yoh laitlooid ka ri namo ka Azadi Ka Amrit Mahotsav da pynman leh ya ka North East Festival da ka Ministry of Development of North Eastern Region, ka sorkar Meghalaya, ka North Eastern Council deiwa ya krehlang waka Indian Institute of Management Shillong waka Invest India heiwa da pynman ya ka ya yachem lang ki heh sorkar wow yaklam hajrong ka phang “Investment Potential & Future Energy Needs of Northeast” ha NEC Auditorium, Shillong ynne ka sngi.

Ka yaklam toh hajrong wow pynchlur yei wan seiñ karkhana hapoh ka thaaiñ mihsngi wei kamjooh leh yow pyrkhat yei emkaam hawa yatoh ka bordiñ neibynta ka thaaiñ.

Da wan wow chimbynta lang da u B.L. Verma, Minister of State, Ministry of DoNER, ka R. V. Suchiang, Chief Secretary, Meghalaya, u K. M. Chalai, Secretary, NEC, u K.V. Pratap, Senior Economic Adviser, Ministry of DoNER wa kiwi kiwi de.

Ha kani ka yalang kiwa mihkhmat ki chnat sorkar da pynyoo ki ya ki kaam wa da leh da ki chnat yong ki wei kamjooh iyi i thmu wow leh ki ha ki por wow wan. Ki chnat sorkar wa da wan chimbynta toh ka Ministry of Road Transport and Highways (MoRTH), Power, Civil Aviation, Telecom, Ministry of New and Renewable Energy (MNRE) waka Railways.

Share this:
Previous

Da toh ieh ya kawi ka snieh-poisa heipor wa chong Taxi na Forest Colony cha Newhill

Next

Yoh kem biang ki BSF sa 125 kilo u sñiooh bru wa thmu u chalan tooh cha Bangladesh