15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yachem ki seiñbhalang ya ka DC hajrong ki Entry Exit Point

0 Comments

Shillong: Ki le tylli ki seiñ wa kynthup ya ka KSU, FKJGP wa HNYF ynne ka sngi da lai yachem ki ya ka Deputy Commissioner ka East Khasi Hills, ka Matsiewdor War hajrong wow thooh yutip ya i kreh wow pynyieñ ya ka thaw kynreh kot ya ki baar jylla namo ki Entry-Exit Point.

U Lat ka jylla ha u snem wa dadep ha ka 10 Naisaphra, da pynbna u wa da chna ya ki District Task Force ha ka jylla wa kynthup ha East Khasi Hills District heiwa ki Deputy Commissioner u man ki kam ki Chairman kini ki Task Force wei da chna ya ka katkam ka kyndon 6 ka Meghalaya Residents Safety and Security Act 2016.

Hawa yaklam wa kiwa pathai khubor, u President ka KSU u Lambokstarwell Marngar da ong u wa ha i yachem wa ka DC da pyntip ko wa ka kaam man ko kawa dadep pynkhreh tangwaw dang suki wow yoh ya ka hukum na ka sorkar heiyatoh wa ki Rule.

Da ong u wa neiliang ki seiñ da yaichah ki ha kini ki ar le snem wei emkaam jhan na ka sorkar wow pynkrehkaam noh ko ya kini ki thaw kynreh kot ya ki baar jylla kiwa wan psiah cha Meghalaya.

Chooh chooh da ong u wa ka Secretariat ymtoh u man ko du kam ka duli wow booh hi-eh ya ki kot wa ki File tangwa toh u leh ki ya ki kaam.

Da ong u wa ka DC da pyntikna ko wa hawa kut uni u bnai, daw lai ko chakhmat wow pynlai ya i kaam, deiwa pynrap leh wa hadooh katni ympu em iwon iwon wa ka sorkar da pynlang yutip ko ya ki bru kiwa wan psiah cha kani ka jylla wei kani toh ka kaam ka Task Force.

Katwa u President ka FKJGP u Wilbirth Rani da ong u wa kini ki seiñ kwah ki wa ka sorkar toh u pyndep noh ko ya kitæ ki Rule wei ka sorkar ymtoh u pynslem ko ya ki. Man i leh iwa phyla heiwa du wow chna ya ki Rule chimpor hadooh ar snem wei ini pynman i ya ki seiñ wow artatien wei lada man kamni ki seiñ daw leh ki yei kaam.

Share this:
Previous

Kynmoo warom ka BJP Meghalaya ya ka lyngkhooh sngi yap u (T) Atal Behari Vajpayee

Next

Ympu em rai u MLA ka North Shillong wow psiah cha ka UPF