Shillong: Kiwa sikai skur Deficit hapoh ka lama ka Khasi Jaintia Deficit School Teachers Association (KJDSTA) wa ka Garo Hills Deficit School Teachers and Employee Association (GHDSTEA) da yachem ki ya u montri rangbah ka jylla u Conrad K Sangma deiwa dawa boon ki phang nadooh i pyllait tulop man u bnai, ka baibam tymmen, ka Arrear nalor kiwi kiwi.
Ya kini ki ar seiñ ynne ka sngi da yahkhmat da u President ka KJDSTA u Kular Khongjirem wa u President ka GHDSTEA u Dilip Marak.
Hawa yaklam wa ki laad pathai khubor hadien wa da dep yachem wa u Conrad, u Khongjirem da ong u wa ka yaklam man ko kawa em i kyrmen neibhah wa u montri rangbah da ap u yeiwa ong kiwa sikai.
I dawa yong kiwa sikai toh wow pynyoh baibam tymmen hadien wa da chongngiah neidaw wa kamwa man hadooh katni yoh ki du yaka Contributory Provident Fund (CPF) waka Death-cum-Retirement Gratuity (DCRG). Kawi won ka dawa yong kiwa sikai toh wow pyllait noh ya ka tulop man u bnai ym toh chisien le næ soo bnai neibhah ha kani ka juk stat, ym em i eh de yaka sorkar wow pyllait tulop man u bnai kamwa leh ya ki wakreh sorkar.
Kiwi de ki dawa toh wow pyllait ya ka Arrear, wow pynkrehkaam ya i e yumut ka 5th Pay Commission wow su tulop ya kiwa sikai skur Deficit, wei wow e laad kamwa jooh ya kiwa sikai wa da pyndep Graduate wa ka B.Ed wow chimkti yaka kaam Principal næ Vice Principal ha ki skur Deficit katkam wa yoobiang yootoh ka bor pynlai skur.
Discussion about this post