U State Party President ka BJP Meghalaya, u Ernest Mawrie da pynman yalang u ynnin ha ka yung krehkaam ka Party wa em ha Tura kam chibynta wow ap u sñiaw na kiwa kreh ka Party.
Ha kani ka yalang da em leh kiwa yahkhmat ka BJP na kylleiñ ka ri-loom Garo wa kamwa 300 ngut ki dkhot.
Na kiwa yahkhmat da emlang ki National Executive Member ka Kisan Morcha wa kynthup ya u Charles M. Sangma, State Executive Member, u Edmund K Sangma wa ka MLA warim, ka Bluebell R Sangma.
U Ernest Mawrie da yachem u leh wa kiwi kiwa yahkhmat khynroo kamjooh ki manbei heiwa da ong u wa kani ka yachem toh kawa jop.
Kam wow pynkynmoo wa ini wa dep, ka BJP da pynbaad ko wa chah pyndik ki dkhot ko ha ki pulit khamtam ha Tura heiwa da phah hajir ya ki ha ki pulit hadien wa chah kem u Sate Vice President ka BJP Meghalaya uwa man leh kam u MDC ka Tura, u Bernard Marak uwa da chah kem da jan dap chi bnai kattu.
Puræ leh: Kular u Lat wow pynman da ka takit laitlooid yei chah pyndik kiwa kreh ka BJP
