U MP ka Rajya Sabha, u James P.K. Sangma da yachem u wa ki heh ka Punjab National Bank (PNB) ha Guwahati yow yaklam yei chem chitom ki paidbah da slem neidaw wa chah kyntait ki wow yoh ram chna yung, i pynchah byndi wa ki ram neibynta kiwa rep kiwa man kam ki jaitbru ri-loom ka Meghalaya.
Ha kani ka sngi da emlang leh u Chief Secretary, u Dr. Shakil P. Ahammed wa u Secretary (Law), u Cyril V. Diengdoh.
Kiwa mihkhmat ya ka Bank toh u Executive Director (HR), u D. Surendran, u Zonal Head (General Manager), u Circle Head (Deputy General Manager) wa kiwi ki heh ki chnat ka PNB kiwa na Meghalaya.
I yaklam toh hajrong ka kyndon wa khor bha wa da booh ka PNB yow e ram iwa da khanglaad ya kiwa chong chnong ka Meghalaya wow yoh yarap na kani ka Bank.
U James Sangma da ong u wa kiwi ki Bank ha Meghalaya ym em booh ki kam kini ki kyndon wei da kyntu leh wow pdiang ki ya ki kot ki sla wa man kam ki tre thaw wa da e da ka Sub-Registrar Office, ka sorkar Meghalaya neibynta wow yoh ya ki Mortgage.
Neiliang ki heh ka PNB da kular ki wow pynbait yeini hapoh 60 sngi itæ hadooh ka tayaaw wa khaddooh u October.
U James Sangma da ong u wa ini toh iwa da jia la 18 bnai wei ki manyung mansem da chem chitom bha ki wei da kyrmen u wa ka PNB u burom ko yeini wa da kular wow leh heipor wa da booh ki.
Discussion about this post