Yachemlang ki MLA Meitei wa Kuki ka BJP ha ka sien wa nyngkong nadooh u 2023 | Da yaklam wow chna sorkar thymme

I kynaad mynsoo synsnaam ha Manipur iwa da sdang nadooh ka 3 tarik u Naisan 2023 da wanrah i ya i synchaar President’s Rule hapoh ka jylla nadooh u Thohlakhmi (Feb) uni u snem.

Ha kani ka kynti won ki MLA ka BJP na ka jaitbru Meitei wa Kuki da yachemlang ki ha ka sien wa nyngkong ha nongbah New Delhi ynnin ka sngi heiwa da mih leh ka khubor wow sdang noh ya ka sorkar thymme.

Ki heh ka BJP nadooh u National General Secretary (Organisation), u B.L. Santhosh wa u Northeast Coordinator, u Sambit Patra da lai ki cha Manipur ha u bnai wa dadep wow yaklam wa ki MLA kamjooh ki heh ka Party ha katai ka jylla.

Ka khubor na ki heh ka BJP da ong ki wa kani ka yachemlang toh wow wanrah biang ya ki MLA ka Party na ki ar jaitbru khnang wow em i chongsuk kamjooh wow chna biang ya ka sorkar ha ka jylla.

Related posts

Yap 10 ngut, sahkut 18 ngut nei oor i Tunnel wa dang chna ha Sikkim

July 21, 2026

Da soi soskular ka JHADC yow pynchna ya ka Iawpynsiñ, yaaw Khliehriat | Da paan leh ya ka yaaw wa em ha 7 Mer

July 21, 2026

Chwa ini, ki 7 ngut ki MLA na ka jaitbru Kuki da dawa ki wow yoh ya ka Union Territory ha ki thaw wa chong ki Kuki, wei ini i yachem ki ar liang ki MLA ye i wow pynkylla noh yeitæ i dawa.