Jowai: Haka Result yong ka HSSLC, ka Diana Kharbithai yong ka St Anthony’s Higher Secondary School da yoh ko yaka kyrdan wa ha khlieh dooh deiwa kamai 452 Marks, bood sa u Prantik Bhattacharjee ha ka kyrdan wa ar uwa yoh 446 Marks wei ya ka kyrdan wa le da yoh da ka Alethea Phoeba Nongrum kawa yoh 444 Marks kiwa waroh na ka jooh ka skur.
Ha kani ka Result HSSLC (Arts) uni u snem kiwa Pass da em ki 18589 ngut na ki 24371 kiwa yaleh ya kani ka Exam na ki 231 tylli ki skur ha ka jylla, wei ka Pass Percentage ha ka HSSLC da poi ko 76.28% kawa ku na u snem 2018 naka 74.78%.
Ha uni snem, ka East Khasi Hills District toh kawa boon dooh kiwa yaleh ya kani ka Exam wei da yoh ko leh ya kawa heh dooh ka Pass Percentage kawa poi 88.78% katwa ka South Garo Hills ka toh kawa duna dooh kawa yoh 39.36%.
Discussion about this post