15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yakdaw kti ka JTES wa ka Office u DC, WJH heiyatoh waka Discover Jaiñtia

0 Comments
Advertisement ad1
Advertisement ad1
Advertisement ad1

Jowai : Ka Discover Jaiñtia 2016 wa da dep pynman da ka Jaiñtia Tourism & Environment Society (JTES) ha uni u snem nadooh ka 25 hadooh 27 u Thohlakhmi (February) da sdang mih dien i khñium na kiwa boon nadooh ki tre Tent House, ki Promoters, wa kiwi kiwi kiwa embynta ha kani ka Discover Jaiñtia ha uni u snem neidaw wa hadooh katni ympu me ye ka JTES u su lut ya ki bill cha ki.

Hei yaklam wa u DC ka West Jaiñtia Hills ong u wa neiliang yong oo da dep pyllait poisa u T. 7.25 Lak wei dang yang poisa u sa naka tnat Tourism wei neiliang yong ka ym pu tip katwon u e ko.

Ka JTES won da ong ko wa u DC haka yalang wa pynman heiyatoh waka Discover Jaiñtia da kular u pynbiang poisa T. 11 Lak weiwa hadooh katni dang du T. 5 Lak donhi dep pyllait u. Katwa u DC da ong u wa ym em kular u T. 11 Lak wei waroh kawa da kular da dep e u wei dang sah sa du ka yong ka Tourism.

Ya kiwa yang bill khamtam ki Tent House em leh wa da maham u rah yeini i kaam chadooh ki yung bichaar neibhah da sah ka poisa ki sa kamwa T. 3 Lak tam.

Neilaing ka seiñ Image Nation kawa na Shillong kawa leh ya ki promotion ha Shillong kamjooh yaki dur ki dar weiwow pynbiang ya kiwa tem wa put wa kiwi kiwi wa wan chimbynta na Shillong dang sah ka T. 3 Lak.

Kamjooh leh ka poisa dang sah ha Ialong wa ympu em dep su lut.

U DC leh ong u wa neiliang ka ophis yong oo i kaam yong ki toh du u pynbiang poisa donhi ymtoh u pyllai ya kani ka Discover Jaiñtia næ u kit khleih yei rukom pyllut poisa.

Katkam i sñiawthooh, i eh heini toh neiliang ka JTES da dep pyllut ko ya ka poisa wada dep e u DC weiwa ka JTES da pynman ko ya kani ka Discover Jaiñtia ha uni u snem hei sñiawthooh toh u yoh ki T. 11 Lak wei dang yoo luti ko wa daw e ki Bor District sa kawa sah T. 6 Lak yow ye ko u su cha waroh kiwa dang sah poisa.

Share this:
Previous

Chah khang 12 tylli ki Sawmill cha thaaiñ Iooksi

Next

Dakhang pyrchah yaki truck wakit palat pood ha u sarok Pala – Saipung