Uwa kreh monsñiawbha na Ladakh, u Sonam Wangchuk uwa da chah kem hapoh ka NSA Act wei dang chah kset u ha Jodhpur Jail da dawa u yei takit wa laitlooid namo ka Judicial Inquiry hei chah siat yap ki 4 ngut ha ki pulit ha ka tayaaw wa dadep ha Leh.
Da kyntu u leh ya ki paidbah wow man kiwa yatylli wei ki wow yakhih deiwa jai-jai katkam wa yah u Gandhi.
U Sonam da e kyntien u na Central Jail ka Jodhpur lyngba u Tsetan Dorjey Ley uwa man u payu waheh wa u muktiar, u Mustafa Haj kiwa da yachem wa oo ynnin ka 4 tarik heiwa da pyntip u leh wa man uwa khlan wei uwa chait.
Da phah u leh ya ki kyntien pyntngen cha kiwa ha-yung kiwa da chah siat yap, kiwa chah kem wa kiwa mynsoo.
U Sonam da ban joor u wa emkaam ya ka takit wa laitlooid wei oo da pynkhreh u wow man uwa chah kset patok.
Chooh chooh da ong u wa yieñ skem u chirup wa ka Apex Body wa ka Kargil Democratic Alliance neibhah i dawa wow pynman ya ka Ladakh kam ka Sixth Schedule wa ka jylla toh iwa hok.
Discussion about this post