Shillong: Ki khynnah puræ ka skurbah North Eastern Hill University (NEHU) hapoh ka lama North Eastern Hill University Student’s Union (NEHUSU) ynne ka sngi da pynman ki da i yakhih ha pchem kani ka skurbah wow pyrchah ya ki bor pynlai neidaw wa slem ware u pynmih ya ka Result yong ka Six Semester.
Uwa yahkhmat ka NEHUSU, u Rangdajied Marwein da ong u wa ka seiñ da jooh yaklam ko ya ini i chem chitom yong ki khynnah wei ka seiñ da jooh yaklam ko yeini ha ki bor pynlai neipor cheipor tangwa i yaklam man i iwa sepai khlem poi cheiwon cheiwon wei na ini i daw ka seiñ da pynman noh ko dei yakhih.
Da ong u leh wa ha kiwi ki ki skurbah ka sorkar pyrdi da kut i por wow pynpsiah pyrtuid katwa ki khynnah puræ ka NEHU won tang ka result leh ympu yoh ki hadooh katni. Da ong u leh wa ka NEHU ye ko wow pdiang du kamwa 40 ngut ki khynnah puræ lada pynmih ya ka Result i wow wanrah yei eh ya kiwi tawon wow yoh thaw præ la ha ki yong sorkar namo ki yong ki bru samen iwa ye wow ktah ya kiwa wan na ki manyung wa dooh.
Da ong u leh wa lada i yakhih ynne ka sngi ym mih soh i, neiliang ka NEHUSU ym yohsa ko tang wow lai yachem wa u Lat ka jylla wow phah ya ka dorkhat cha ka Ministry of Human Resource Development wow pyntip yeiwa jia hapoh kani ka skurbah.
Kini ki khynnah wa yakhih da rah ki leh ya ki kot-rben wa thoh ya ki kyntien wow pyrchah ya ki bor pynlai deiwa dawa leh wa u Vice Chancellor toh u hiar chuki u neidaw wymye u wow pynbiang yeiwa emkaam ki khynnah puræ.
Discussion about this post