U Prime Minister ka ri, u Narendra Modi ynne lyngba ka Video Call da yaklam u wa u Smit Machchhar uwa man kam u Pilot ka lieñsuiñ Flydubai uwa chah dung pyn ha u Co-Pilot uwa da thmu wow pynyap ya waroh ki 180 ngut wa em hapoh deiwa thung ya ka lieñsuiñ cha khyndaw.
U Smit da khana u wa hanla chah dung u leh da sai u waroh i bor yow wai ya ka dwar ka Cockpit yow ye ki bru wow psiah chapoh yow ksoh ya u Co-Pilot.
Ya u Smit da sumaar kattæ ha ka Hospital wa em ha Abu Dhabi heiwa nyngkong da sumaar ha ka Hospital wa em ha Tabuk, Saudi Arabia wei kit won oo cha Abu Dhabi. Da takha u ha kiwa boon ki bynta nadooh i khlieh, ki kti, i rupai wa u kpoh nei chah dung wei chah ah. Da suba wa u Co-Pilot da pynemkaam da u sdai wa tip kam u “Crash Axe” wa em hapoh ka Cockpit hi uwa toh u pynemkaam lada jia wa sahkut hapoh.
U Smit hadien wa chah pynmynsoo u hanla joor mih snaam da paar u hadooh wa poi ka dwar deiwa kynjoh yow wai ka heiwa ki bru da em kiwa da yang chwa ha lait kiwa da suba toh wa em wa jia iyi ræ iyi deiwa thung syndet ka lieñsuiñ.
Uwi na kiwa em hapoh ka lieñsuiñ da lai u sak ha u Co-Pilot deiwa ksih oo na rdang wei da taan ya oo cha lait heiwa da kdoh oo leh.
Ya ka lieñsuiñ da chimkti da ar ngut kiwa em hapoh kiwa man kam ki Pilot wei da pynhiar ki ka ha Saudi Arabia.
Hapoh kani ka lieñsuiñ kiwa boon toh kiwa na Israel wei dang mut ki wow hiar ha Tel Aviv chwa wow jia ini waroh.
Discussion about this post