theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Yaklam uwa yah Cycle ka ri wa ki khynnah skur yei emkaam i chait i khiah ha Shillong

Uwa yah Cycle wa pawnaam ka ri, u Rojit Singh Yanglem ynnin da yachem u wa ki khynroo khyllood ha Shillong yow yaklam yei emkaam u baam deiwa miat, u man ryntih hawa im wei ini toh kam chibynta ka “Meet the Champion” wa da pynman da ka Ministry of Youth Affairs and Sports kam chibynta ka National Sports Day.

U Yanglem da yaklam u wa 200 ngut ki khynnah ha ka yalang wa pynman ha St. Anthony’s Higher Secondary School heiwa da pynsñiaw u yei kmen wow ya embynta lang heiwa da khana u kammon wow im deiwa chait i khiah khamtam u baam da ki jait baam wa biang. Da khana u leh yei parom u wa kammon da kreh chitom u yow poi chei jop.

Advertisement ad1

Neiliang ki khynnah da yoh laad ki leh wow kylli chaphang wow man ki chait wa khlan.

U Yanglem da yaleh Basketball u leh wa ki khynnah wei da yaroh u leh ya u Prime Minister, Narendra Modi wa da pynman ya ini ha kani ka sngi wa emkaam. Deiwa khana leh wa da kreh chitom u yow pynkhreh yow mihkhmat ya ka India ha ka 2024 Olympics.

U Yanglem uwa chimbynta ha ki yalehke Track Cycling man u leh kam chibynta kiwa mihkhmat ya ka India ha ka Commonwealth Games wa da pynman ha Birmingham ini wadep heiwa da yoh u hei wa ynru.

Kani ka ‘Meet the Champion’ toh kawa da sdang da u PM yow yoh ki khynnah skur wow yachem wa ki Champion yow e mynsien ya ki hawa lai luti ki hawa heh wa san.

Ya kani ka ‘Meet the Champion’ da sdang nyngkong da u Neeraj Chopra uwa yoh takma ksiar ha ka Olympics heiwa nadooh u Kmaichonglad (Dec) 2021 da sdang u wow lai cha kiwa boon ki bynta ka ri ha kini ki bnai wa dadep.

Ynnin ka sngi won kam chibynta ka National Sports Day kiwa yalehke wa pawnaam ka ri da lai ki cha ki skur ha ki 26 tylli ki thaw hapoh ka ri. 

Advertisement ad1
Share this:
Previous

Mar ya man MLA thied kari syad sap sula syad hadooh wa tieñ ki paidbah wow khublei kti: Auspicious

Next

Da ka parom u Tirot Sing lehkmen ya ka Azadi Ka Amrit Mahotsav ha Nongkhlaw