Ka Hima Sutnga Youth Federation, Elaka Sutnga deilang wa ki khon ka Elaka Sutnga da pynman ki yei yang ya ki kari ka Jowai Municipal Board kiwa wan yow lai noh jhep cha i krem mooyong wa em ha chnong Moolamylliang.
Neiliang u Ioowanki Chyrmang, Secretary Hima Sutnga Youth Federation da ong u wa da emlang leh wa ki dkhot ki chnong wa em kamwa 40 tylli kiwa da ya mih yow yang yow pynuiñ pynliwan ya ki kari ka Municipal.
Da ong u neiliang yong ki mar ya yoo ki yeini i pynbna wow wan noh jhep chapoh ka Elaka da phah smat ki ya ka khubor pyrchah kam ki khon ka Elaka wow wan noh yei roi i jhep chapoh ka Elaka.
Da pyrchah leh wa neidaw wa ya ini i jhep da wanrah na West Jaiñtia Hills wei lada poi ki kari ha ini i thaw wa yang ki, ym yohsa ki wow pynuiñ ki khlem pynmih ya iwon iwon i sih yow man i thmu ka Hima Sutnga Youth Federation iwa jop.
Kamtæ da ong wa toh u burom ya ini wa da pyrchah da ka Elaka.
Ya ini da pynman ha Sookilo.
