theme-sticky-logo-alt
theme-logo-alt

Jop ka Mupliang, ka Mookyrdup waka Lumbhahdakha haka 3rd Division ka WJDSA

Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.

Ha ka yalehke wa nyngkong, ka Mupliang da jop ko ya ka Newhill da 2-1. Ya ka Newhill da thap kool da u Revel Dkhar haka minit wa 26. Katwa ya ka chnong Mupliang da thap da u Oniwonker Sna haka minit wa 31 wa 75.

Ha ka yalehke wa ar, ka Mookyrdup da jop ko ya ka Chyrmang Wah da 6-0 da ki kool wa thap da u Nickyboy Swer haka minit wa 16, u Nidaiar Kamar haka minit wa 26, u Famous Plain haka minit wa 37, u George A Manner haka minit wa 51 wa u Batterly Sariang haka minit wa 74 wa 80+2.

Ha ka yalehke wa khaddooh, ka Lumbhahdakha Wahiajer da jop ko ya ka Mynso Blazon da 3-0 da ki kool wa thap u Trepyniolad Lamare haka minit wa 41, u Bernard Suchiang haka minit wa 45 wa u Dayowanki Pale haka mini wa 47.

Mynstep ka 23 tarik leh daw pynman le tylli ki yalehke kiwa daw sdang da ka Khliehmuchut Shangpung waka Lumchyrmang Mihmyntdu heipor 11:00 waje i step, iwa pynbood da ka Tpep Pale waka Mulang Ialong heipor 1:00 waje i sngi wei daw pynkut da ka Pateinki Sabah waka Ksehsylle Ialong heipor 3:00 waje noh chariñ ka sngi.

Share this:
Previous

Yang ka Hima Sutnga Youth Federation yow phah liwan ya ki kari ka Jowai Municipal Board

Next

Santosh Trophy: Rem ka Meghalaya haka West Bengal da 4-3