U Chief Secretary ka jylla, u DP Wahlang ynne da pyntip u wa heiyatoh wa ka Harijan Colony, da ong u wa ka sorkar jylla da lai ko cha ka sorkar pyrdi wow yoh thaw hajan Mawlonghat yeiwa da mantre da ki chipai (Army).
Da ong u wa da yaklam wa ka chnat yada ri namo ka Defense Ministry wei ngaitskem u wow yoh yei jubab wa bha neibhah wa da paan ya i thaw wa khian wei chisien wa yoh jubab daw ye u tia chaphrang.
Heiyatoh wa i por wow chim neibynta ini, u Wahlang da kular u wa ka sorkar jylla dang booddien ko yeini deiwa pyntip wa ha u Kmaichonglad (Dec) 2024, u Chief Minister wa u Commissioner Secretary ka Urban Affairs da lai ki cha ka Ministry neibynta ini i kaam chwa ki chuti Christmas.
Heiyatoh wa kiwa chah ktah neini, u Wahlang da pyntip u wa da yaklam wa ki ha u Khonchonglad (Nov) heiwa da pdiang ki yeini wei ka Gurudwara wa ki thaw mane ym chah ktah ki.
Hawa kylli won yei heh i thaw, da ong u wa da paan chwa 2 Acre tangwa ye i wow duna cha ka 1 Acre.
Chooh chooh da ong u wa katwa lai ki cha Delhi, da em bait ki heh sorkar wa booddien ya ini i kaam.
Discussion about this post