Yap 10 ngut hadien wa iñ ka ICU ka Hospital sorkar

Ynne i step da em 10 ngut wa yap hadien wa iñ ka ICU ka SCB Medical College and Hospital, Cuttack kawa pynlai da ka sorkar Odisha.

Ha ini i diñ da mynsoo leh 11 ngut kiwa kreh ka Hospital katwa dang yarap ki ya kiwa thiah kjut ha Hospital.

I diñ da sdang i na ICU ka Trauma Care Department heipor kamwa 2:30 wa 3:00 waje i step.

Neiliang ki pulit tymplæh diñ da poi ki wut-wut cha thaw sumaar.

Ki pulit ka Fire Service, kiwa kreh ka Hospital deilang wa ki pulit chirup wa kiwa yang ya kiwa kjut da yarap ki wow pynlait ya kiwa em ha ICU wei da kyrriah ya ki cha kiwi ki Department ka SCB Hospital.

Related posts

Ym duna ya 27 ngut wa chah kem wei dang bichaar ya ka FIR pyrchah ya u MLA warim: Prestone

March 16, 2026

Dawa ka JNC wow booh da ki pulit wa kyrpang yow chem ya kiwa tooh Scooty

March 16, 2026

Neiliang u Chief Minister ka Odisha, u Mohan Charan Majhi wa u Health Minister, u Mukesh Mahaling, da lai ki cha Hospital kamjooh leh da yaklam u wa kiwa mynsoo.

U Chief Minister da pyntip u wa da suba wa i diñ ha SCB Medical College & Hospital da sdang i nei thut ka bordiñ namo Short-Circuit. Heiwa da chah ktah ka Trauma Care ICU wa kiwi ki Ward.

Da pyntip u wa da kit ya ki 23 ngut cha kiwi ki Department. 7 ngut wa yap toh kiwa thiah kjut heipor wa kyrriah ya ki na ka ICU katwa 3 ngut won da yap ki hadien. 

Da pynbna u leh Rs. 25 lak cha kiwa hayung yong kiwa da yap.