15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Yap 10 ngut ki khonbo hadien wa iñ ka Hospital ha Maharashtra

Advertisement ad1

Kamwa 10 ngut ki khonbo wa dang kha ha Bhandara District General Hospital, Maharashtra da dooh ki yei mynsien hadien wa iñ i thaw booh yaki khonbo (Sick Newborn Care Unit) kani ka thaw sumaar iwa da jia ynne i step heipor kamwa 2 waje.

Hapoh kani ka thaw booh khonbo da em 17 ngut ki khonbo heiwa yaki 7 ngut da ye wow sai ki, da pyntip u Civil Surgeon ka Bhandara District General Hospital u Dr. Pramod Khandate deiwa pynrap wa kiwa da yap toh neidaw i tdem.

Kini ki khonbo toh kiwa em nadooh kiwa dang kha kattu katni sngi donhi hadooh kiwa da em 3 bnai.

Ya ini i diñ da yoo nyngkong da kawi ka Nurse kawa da pyntip cha kiwi kiwa da wan wow sai yaki khonbo katwa ye ki chwa wow wan ka kari tympleh diñ.

Kani ka Hospital toh kawa soo mala wei yei daw wa sdang i diñ ym pu tip.

Neiliang u Health Minister ka Maharashtra u Rajesh Tope da pynbna u yaka poisa wa mar T. 5 lak cha kiwa ha yung ha sem kiwa dooh noh ya ki khonbo ha ini i jia.

Neiliang u PM ka ri u Narendra Modi da pynsñiaw u yei sñiaw kjut nood na ini i jia wei da phah u leh yei sñiawlem cha kiwa ha yung ha sem kiwa da maad yeini.

Share this:
Previous

Daw pynman yaka National Youth Day ha West Jaiñtia Hills

Next

COVID-19: Palat 18 klur tylli ki Test da dep leh ha India