theme-sticky-logo-alt
theme-logo-alt
Advertisement ad1

Yap 16 tylli ki mrad hadien wa siat ki chipai Pakistan cha India

Advertisement ad1

Kamwa 16 tylli ki mrad da yap ki hadien wa siat ki chipai ka Pakistan cha ki chnong wa em ha khappood namo Line Of Control (LOC) kiwa em ha Poonch wa Rajouri District ka Jammu & Kashmir ynne ka sngi.

Ki chipai Pakistan da pynjoor ki wow siat bom (Shelling) ynne ka sngi wei ini da pynbor i ya ki bor District wow pyndam ya ki skur kiwa jan wa ka LOC.

Uwa e ktien ya ki kaam yada ri (Defence Spokesperson) ka India da ong u wa ka Pakistan da sdang ko wow siat khlem poi pyrkhat (Ceasefire Violations) ha thaaiñ Nowshera yong ka Rajouri; Balakote wa haap ha Mendhar; wa Shahpur wa Kerni wa haap hapoh Poonch District.

Ki chipai Pakistan da sdang ki wow siat syndet syndet nadooh ynnin i miet heipor kamwa 8:00 hadooh 10:00 waje da ong uni u heh.

Chooh chooh da ong u wa ka Pakistan da sdang biang ko wow siat cha liang India ynne i step nadooh 9:45.

Neiliang u Deputy Commissioner ka Poonch, u Rahul Yadav da pyntip u wa da yap hadooh 16 tylli ki mrad wa psan ha yung (Domestic) neini i siat iwa ympoi pyrkhat.

Advertisement ad1
Share this:
Previous

Da toh pynhap yaka snieh-poisa ha Jowai

Next

Psiah Semi Final saka Happy FC haka ka Moopynieiñ Socio Cultural ka MSCSO