Ynne ka sngi 2 ngut ki khynroo da yap ki hawa beh ya ka Helmet wa haap cha riat hadooh wa haap ki ha iwi i synrang wa em ha thaaiñ Rapleng hapoh ka Mawkynrew C&RD Block, East Khasi Hills.
Katkam ka yutip na ki pulit ini da jia i katwa kini ki khynroo dang yalehke ki hajrong u loom.
Ya kini da tip kam u Rishan Rani (23 snem) wa u Ericfortis Kharkongor (23 snem) na Langkyrding, Nongmensong, Shillong.
Ki pulit da ong ki wa da em le ngut ki khynroo wa lai cha ini i thaw heiwa da lait uwi neidaw wym em bood u wa ki wow beh ya ka Helmet.
Chooh chooh ki pulit da ong ki wa kini ki khynroo dang yalehke ki wei syndet da haap ka Helmet chapoh riat wei da pyrchang ki wow beh u khyrrup ya ka tangwa da haap ki ha i synrang wa jrong da ki spah meter.
Ki pulit ka Search & Rescue Team wa ki pulit da hiar ki wut-wut cha ini i thaw wow sai ya ki metyap yong ki ynne heipor nohchariñ ka sngi.
Discussion about this post