Yap 20 ngut hadien wa tyrrah ka Bus ya ka thuk-thuk ynne i step

Kawi ka Bus wa lai Hyderabad-Bengaluru da iñkhaw ko hadien wa tyrrah ko ya ka thuk-thuk ha Ulindapadu hajan Kurnool ynne i step heipor kamwa 3:00-3:30.

Kani ka Bus ka Kaveri Travels da kit ko ya ki 40 ngut wa ar ngut kiwa yah heipor wa jia ini i ya tyrrah. Hadien wa tyrrah ko ya ka thuk-thuk da kop wot i diñ wei kiwa em hapoh ka Bus toh kiwa em hapyrdi 35 wa 40 snem i rta wei kiwa lait da yut ki deiwa tympiah ya ki yit (Emergency Exit) ka Bus.

Ki pulit da ong ki wa uwa yah ya ka Bus toh u Gudipati Sivanarayana wei kani ka Bus toh ka AC Sleeper Bus heiwa u Gudipati chirup wa kiwi da lait ki katwa boon won da chah kset ki hapoh. Da em 10 ngut kiwa mynsoo wei da kit ya ki cha Government General Hospital ha Kurnool.

Neiliang u DIG u Dr. Koya Praveen, u SP, u Vikrant Patil, u Joint Collector u Nurul Quamar, u Commissioner u P. Viswanath wa kiwi da poi ki ha ini i thaw wa jia.

Related posts

Yoh myntoi ki 31 ngut ki khynnah ka Jaiñtia Hills nei pooid wa mynkna ya kiwa jæd ktien wei kaad poh ktien

November 16, 2025

Khut ka DCIC Jowai ya kiwa kwah wow yoh yei sikai wa mynkna neibynta ka Make Up Artistry

November 16, 2025

Ha ini i jia da em 20 ngut kiwa da yap neibhah wa boon na kiwa chong hapoh ka Bus da yohthiah ki heipor wa jia i tyrrah.

U Chief Minister ka Andhra Pradesh, u N. Chandrababu Naidu da phah u ya ki bor district wow e yarap sumaar deiwa paka ya kiwa mynsoo.