Ynne i sngi kamwa 22 ngut kiwa yoh COVID-19 da khlaad ki ha Zakir Hussain Hospital, Nashik hadien wa pai (Leak) ka Oxygen Tank iwa da pynthut yei krehkaam ki kor Ventilator kiwa e la-ær cha kiwa kjut ha ka ICU yong kani ka thaw sumaar.
Da ong wa ini i pai da jia i heipor nohchariñ sngi heipor wa pyndap (Refill) la’ær na ka Oxygen Tank wei ini da pynthut i yei krehkaam ki Ventilator hadooh 30 minit.
Neiliang ki bor sorkar ka Maharashtra da phah ki wow pynman da ka takit wei daw pynchitom ya kiwa emkti ha ini i kaam.
Neiliang u montri rangbahdooh ka ri, u Narendra Modi da ong u wa i jia ha ka Hospital ha Nashik toh iwa sñiawsih wei da phah u leh ya i mynsien sñiawlem cha kiwa hayung yong kiwa khlaad.
Neiliang ka sorkar Maharashtra da pynbna ko wow e yarap poisa T. 5 lak cha kiwa ha yung kiwa khlaad.
