Ka sorkar Meghalaya ynne ka sngi da chim chooh chooh ko ki rai hadien wa ku ma ku kiwa dang yoh COVID-19 khamtam ha Shillong wa ki thaw khapsor heiwa da kynjoh 200 ngut kiwa dang yoh ynne ka sngi, kamtæ da pynmih hukum wow phah leh ya kini ha wah du neibynta ka East Khasi Hills.
U Test RT-PCR ya waroh kiwa psiah. Kitu kiwa da pyndep ya waroh ar ki Inject tika COVID-19 hap ki wow pynyoo ya ka Certificate ha ki Entry Point.
Waroh ki thaw uiñke suwari ha East Khasi Hills u man ki kiwa khang hadooh ka 30 tarik uni u bnai.
Waroh ki College wa University wa em ha Shillong u man ki kiwa khang hadooh ka 03-05-21 lait noh kitu ki thaw wa da pynemkaam yow pynamn Exam. Ki Online Class wa pynman na ki College ym em khang ya ki.
Waroh ki Gym, Club, Swimming Pool, Gaming Parlours, Cinema, Salons, Bars u man ki kiwa khang nadooh ka 23 tarik uni u bnai hadooh ka 30 tarik uni u bnai.
Waroh ki dukan kiwa dai ya ki mar ki wym emkaam man-ka-sngi daw hap khang ki nadooh ka 26 tarik uni u bnai hadooh ka 2 tarik u bnai wow wan heiwa yaka hukum wa bniah hajrong ini daw e da ka Deputy Commissioner, East Khasi Hills.
Ki yung krehkaam ka sorkar u krehkaam ki deiwa em du 33% ki bru wakreh.
Ka sorkar da kyrpaad ko ya ki paidbah wym toh u lehstiñ, ym toh wow lai cheiwon cheiwon lada ym toh iwa ym hoi u dam, da pynchlur leh ya kiwa em 45 snem chaneiñ wow chim ki yei dawa yada na ka khlam. Da ong leh wa lada ym ye u kdoh u khoom yei por ka khlam daw hap wow phah khang sbak.
