Ynne i step synyaaw da em 25 ngut ki bru wa yap hadien wa iñ ka Night Club wa man leh kam ka Restaurant ha Arpora, Goa heiwa ini i diñ da sdang i heipor chiteiñ synyaaw wei da wan ki kari tymplæh diñ wut-whut cha ini i thaw.
Ya kiwa mynsoo kiwa em 6 ngut da kit cha thaw sumaar katwa ki bor sorkar da yaleh ki wow tymplæh yei diñ.
U Chief Minister ka Goa, u Pramod Sawant da ong u wa ini man i iwa khyrngiat wei daw pynchitom ya kiwa emkti.
Da ong u wa ini toh i wym poi pyrkhat khamtam ka Goa toh ka jylla wa da naam hei kaam uiñke suwari heiwa da kular u wow pynman ya i takit hajrong ini wow chem yei daw wa sdang i diñ.
U DGP ka Goa, u Alok Kumar da ong u wa ki pulit da yoh khubor ki heipor chiteiñ synyaaw heipor kamwa 12:04 i heiwa da yap 25 ngut ki bru.
Katkam ki Video wa da poor da yoo wa heipor wa dang em kiwa tem deilang kawa chaad yei sur ‘Mehbooba O Mehbooba’ da sdang wow kop diñ na kawi ka Light wei da joor leh mih tdem khlem da chimpor.
Heiyatoh wa ini da chah e FIR u tre kani ka Night Club.
Discussion about this post