Yap 3 ngut hadien wa phah ka Google Maps wow lai na ka yingkieñ ka wym pu dep chna

I chaniah ware hei stat Technology da wanrah ko yei dooh noh yei mynsien ki 3 ngut ki bru hadien wa pynyoo ka Google Maps wow lai na kawi ka yingkieñ ka wym pu em dep chna wei da noh ka kari 25 phut cha tre.

Ini da jia i ha Bareilly, Uttar Pradesh heiwa kani ka yingkieñ toh kawa lai najrong ka wah Ramganga, wei hei miet ka 23 tarik ki le ngut ki bru wa kynthup ya ar ngut kiwa chi payu kiwa dang wan na ka khawai bia da pynemkaam ki da ka Google Maps yow liwan yung heiwa da phah ko wow lai na kani ka yingkieñ kawa dang chna wei kawa da kheiñ leh neidaw wa chah rah ko ha ka um heipor wa joor u slap.

Kani ka yingkieñ da kut ko syndet syndet hadien kamwa 30 Meter wei ym em hi leh wa kah da iwon iwon ha i bynta wa kut ko yow lait u jia kam ini khamtam heipor miet.

Hei step ka 24 tarik, kiwa chong chnong da yoo ki wa em snaam ka um kani ka wah wei manda lai bood ki yeini da chem ki ya kani ka kari wa em le ngut ki bru kiwa da khlaad noh hapoh.

Related posts

Ya tyrrah le tylli ki Truck ha i jooh i thaw | Kat wym pu pynchna ya u NH-6 daw pteiñ ong kiwa chong chnong ka Rattacherra

January 9, 2026

Kular u heh spah ka India wow e palat 75% ka poisa u cha ka imlang sahlang hadien wa khlaad syndet u khon

January 9, 2026

Kiwi yap toh u Kaushal wa u Vivek kiwa chi payu kiwa na chnong Farrukhabad kiwa da lai luti wa u lok ki uwa na Ghaziabad uwa tip kam u Amit.

Kani ka yingkieñ toh kawa da kheiñ chiteiñ ha uni u snem heipor wa joor u slap wei ka Google Maps ym em tip ko yeini wei da pynyoo ko toh kawa hoi u pynemkaam.

I kreh yow pynchna ya kani ka yingkieñ toh kawa da sdang biang tangwa ym em booh iwon iwon yow khang ya ki bru wow pynemkaam ka.