Ha ka 28 tarik ha USA, uwi u bru wa rah suloi da hiar thma u ya ka Yungmane wa dang pynman ya ka Sunday Service wei da siat u ya kiwa em hapoh yong ka kiwa da wan wow mane Blai.
Kani ka Yungmane toh ka Mormon Church kawa em ha Grand Blanc, Michigan.
Neiliang u Genesee County Sheriff, u Christopher Swanson da ong u wa da chah thang leh kani ka Yungmane heiwa da em soo ngut kiwa da yap wei phra ngut kiwa da mynsoo wei da pyntikna leh wa uwa emkti ha ini leh da yap u hadien i yasiat wa ki pulit.
U President ka USA, u Donald Trump da beiñ u yeini khamtam i chah hiar thma ki Christan ha USA.
U heh ka FBI, u Kash Patel leh da ong u wa i hiar thma ya ka thaw mane man i kaam wa tieñslah wa i kaam pyrchah aiñ.
Kani ka Yungmane toh kawa pyrtuid Church of Jesus Christ of Latter-day Saints wa em ha Grand Blanc Township, Michigan wei uwa emkti ha wow siat da tip kam u Thomas Jacob Sanford uwa 40 snem i rta na sor Burton.
Ki bor sorkar da ong ki wa u Thomas da tyrrah u ya ka dwar kani ka Yungmane wei da sdang u wow siat ya kiwa wan yaseiñ wei da thang wot u ya kani ka Yungmane.
Ka bei u Thomas da thoh ko ha ka Facebook deiwa ong wa u Thomas toh u chipai ka US Marine Corps wei da em u ha Iraq nadooh u 2004 hadooh 2008.
Ympu tip ya i daw wa leh u yeini.
Discussion about this post