15 49.0138 8.38624 1 0 4000 1 https://wyrta.com 300 0

Yap 57 ngut hapoh 24 kynta na u Coronavirus ha China

0 Comments
Advertisement ad1

Nadooh wa sdang u khñiang Coronavirus ha u Kmaichonglad yong u snem wa dadep, ki ri ka pyrthai khamtam ka China da yaleh ki kammon wow khanglaad i poor u khñiang uwa da chim ya ki spah tylli ki mynsien bru.

Katkam wa man hadooh ynne ka sngi, ka China da pyntikna ko wa kiwa yap neidaw u Coronavirus da ku i cha ka 361 ngut ngut na ka 304 ngut ynnin, iwa mut wa kiwa yap hapoh ki 24 kynta da man i 57 ngut. Wei ynnin kiwa yoh thymme ya uni u khniang da em ki 2829 ngut ha China.

Ini i yap ki bru na uni u Coronavirus da palat i ya i yap ki bru ha u snem 2003 na i kjut SARS (Severe Acute Respiratory Syndrome) heiwa da yap 349 ngut wei da chah ktah won palat 5,327 ngut ha China.

Chooh chooh kiwa chah ktah namo kiwa da bi kjut na uni u khñiang won da kynjoh i cha ka 17,238 na ka 14,400 ngut ynnin ka sngi ha China.

Katkam wa man katni da em kamwa 175 ngut kiwa da yoh ya uni u khñiang ha ki 25 tylli ki ri.

Advertisement ad1

0 Comments

Leave a Reply