Ynnin i miet ka 5 tarik i diñ da kop i ha Sawai Man Singh (SMS) Hospital ka sorbah Jaipur heiwa da em 6 ngut kiwa thiah kjut wa yap iwa da pynman ya ka sorkar Rajasthan wow pynman ko yei takit khamtam hadien wa pynbaad kiwa ha-yung kiwa da yap wa duna ki laad yada.
Ini i diñ da kop i hadien wa thut ka bordiñ wa em u tadong Oxygen harood heiwa da mih i tdem wa da pyndap ya ka ICU wei da ye u pynmih du ya kattu katni ngut donhi kiwa thiah kjut.
Neiliang kiwa ha-yung kiwa yap da yakhih ki haphrang ka Hospital deiwa pynbaad wa kheiñstiñ kiwa kreh wa kiwa pynlai ka Hospital.
Hajrong ini ka sorkar Rajasthan da thung ko ya ka Committee wa 6 ngut wow takit yeini wow khlieh da u Iqbal Khan, Commissioner ka Medical Department wa kiwi kiwi.
Heipor wa iñ kani ka Hospital da em 11 ngut wa thiah ha ICU wa 13 ngut ha ka Ward wa em hajan.
Ya i diñ da ye u tymplæh hadien chi kynta chiteiñ da ki pulit ka Fire and Emergency Service heiwa da ye u sai ya kiwa thiah kjut hajrong palong cha sarok.
Discussion about this post