Yap 6 ngut kiwa tih mooyong ha Nagaland wa chah thang heipor wa em ki 400ft chapoh

6 ngut ki bru da dooh ki yei mynsien katwa 4 ngut da mynsoo joor ki kiwa kreh kam kiwa tih mooyong dei rukom wa tip leh kam i Rat-Hole Mining iwa da jia ha Wokha District ka Nagaland ha i chnong wa tip kam i Ruchayan wa em ha khappood waka jylla Assam.

Ini toh iwa da jia heipor kamwa 12:30 hadooh 1:00 waje i sngi haka 25 tarik heipor wa kini kiwa tih mooyong em ki 400ft chapoh kani ka paar mooyong.

Kiwa chong chnong chajan da ong ki wa da sñiaw ki yeiwa em wa pdung wei heini i por da em 10 ngut ki bru hapoh kani ka krem mooyong wei da suba toh wa pdung ka Generator wa da pynemkaam ki yow pynyoh bordiñ chapoh wei da suba leh em i Short Circuit tæ jia ini.

6 ngut kiwa em hapoh da yap ki nei chah thang hei diñ katwa 4 ngut won da ye ki wow mih cha lait tangwa ki leh da boon yoh i diñ u baam ki.  

Related posts

Pynlait-im ki pulit ya 450 tylli ki khroh

April 21, 2025

Da pynkrehkaam ya ka Section 163 BNSS wow yada ya ka Wah Umiam

April 17, 2025

Uwi u bru wa tip kam u Mojibur Rahman (50 snem) uwa nyngkong dooh wa hiar yow lai yarap da khana u wa da pyrchang u wow hiar boonsien tangwa ym ye neidaw wa joor i tdem wei da hap u yang hadooh 5:30 manda khooid ka lær tæ ye ki wow lai sai ya kini ki bru wa sahkut chapoh.

Waroh kiwa yap toh kiwa na Golaghat District ka Assam kiwa tip kam u Majibul Ali (46), u Kamal Bahadur Chetri (47), u Dol Bahadur Chetri (44), u Bishal Thapa (28) wa u Kharka Bahadur Chetri (60). Kiwa mynsoo toh u Santosh Chetri (23), u Ramesh Chetri (36), u Bhupen Rajbangshi (34) wa u Loknath Chetri (27).

Ini i rukom tih mooyong man i pyrchah yaka aiñ hapoh ka jylla Nagaland kiwa da leh khlem da yoh bor wei neiliang ki pulit da chem wa da mantre ya kani ka paar mooyong da ki soo ngut ki bru heiwa da yoh u kem ya ar ngut kitæ u Moyithung Tungoe wa u Tsenjamo Mozhui katwa kiwi ki ar ngut kiwa na Golaghat, Assam dang thooh ya ki kitæ toh u Akjur Ali wa u Saiful Ali.

Kini ki tre paar da su ki Rs. 1,400 ya chi ton u mooyong wa ye kini kiwa kreh u tih.

U MLA kani ka thaaiñ, u Achumbemo Kikon da ong u wa da klam u chaphang kini ki kaam tih mooyong pyrchah aiñ da boonsien neibhah wym em myntoi kiwa chong chnong kiwa im ja nei rep heiwa da ktah pathan ini i tih mooyong yaka rymaw.