Kam chibynta ka thong wow pyndooh jait yaka kjut Tuberculosis (TB) lyngba ka National Tuberculosis Elimination Programme (NTEP) wa hapoh ka Pradhan Mantri TB Mukt Bharat Abhiyan (PMTBMBA) kawa deiwa kitkhlieh lang kiwa chong chnong wow e yarap cha kiwa chitom TB.
Neiliang ka Star Cement Limited, Lumshnong hapoh ka CSR kani ka karkhana, ynne da saam baam ko cha kiwa kjut TB haka yalang wa da pynman ha Khliehriat CHC deiwa emlang ka District Tuberculosis Officer, Jaiñtia Hills, ka Dr. E.B.V. Laloo, u Medical Officer In-Charge ka Khliehriat CHC, u Dr. Iohbor Rymbai, u Manager-CSR, Star Cement Limited, Lumshnong, u Kingshok K. Borah wa kiwi de.
Kiwa chitom TB kiwa da yoh yarap da em ki 43 ngut heiwa da yoh ki da u khoo, i phñiang baam, pylleiñ wa kiwi kiwi de ki mar baam.
Neiliang ka Dr. E.B.V. Laloo da klam ko chaphang i rukom poor i kjut TB wei kammon u leh yow yada deiwa kdaw leh wa i duna baam ye i wow yah chei mih u khñiang kjut TB. Da ban joor ko yeiwa emkaam u dih tista yei dawai neibhah lada dih tista 3 bnai i dih dawai leh ym pu chait.
Da khana ko leh wa ka sorkar ha ki por wa dih dawai e yarap ko Rs. 500 chi bnai hapoh ka Nikshay Poshan Yojana Scheme.
Discussion about this post