15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yap 7 ngut; da pynkrehkaam ya ka 144 CrPC ha New Delhi

0 Comments
Advertisement ad1
Advertisement ad1
Advertisement ad1

I yakhih wow pyrchah ya ka Citizenship Amendment Act (CAA) ha nongbah New Delhi dang joor i wot hadooh kini ki sngi, ynnin da mih i awri hapyrdi ki ar liang kiwa kynthup ya kiwa pyrchah wa kiwa kyrchaan ya kani ka aiñ thymme ka sorkar pyrdi.

Ynnin ha ini i awri da yap hadooh 7 ngut wa kynyhup ya 6 ngut ki paidbah wa uwi u pulit Constable ka Delhi Police u Rattan Lal.

Neidaw wa joor ini i awri neiliang ki bor sorkar da pynkrehkaam noh ki da ka Section 144 CrPC i bynta North-East ka nongbah Delhi wei kani ka kyndon u krehkaam ko chi bnai. 

Uwi na kiwa ya awri uwa da tip kam u Shahrukh da rah u ya ka pistol wei da siat u hadooh kamwa 8 kuli. 

Ynnin i miet da joor leh i chah thang ki dukan wa ki kari ha ki thaw wa awri.

I awri awra da sdang i nadooh ka sngi Bibar wei da joor i ynnin ka sngi ha ki le thaw ha ki thaaiñ North East ka sor Delhi kiwa boon wa sah ki Muslim.

I sdang ini waroh da em wa ong toh neiklam uwi na kiwa yahkhmat ka BJP u Kapil Mishra uwa da maham ya kiwa pynman yakhih (Sit-in Protest) pyrchah yaka CAA wa daw kit yabor ya ki hadien wa mih u Donald Trump na India.

Ynne i sngi u montri ka kaam pohyung ka ri, u Amit Shah da chong yalang u wa u montri rangbah ka Delhi u Arvind Kejriwal, u Lieutenant Governor u Anil Baijal, wa u Police Commissioner u Amulya Patnaik.

Share this:
Previous

La 2,666 ngut wa yap ha China; poor u COVID-19 cha ki 77,000 tam

Next

14 ngut ki nong India wa yoh COVID-19, dang pynkhreh wow lithooh ya kiwa dang em hapoh ka jhaad