I haap ki Helicopter wa lai cha Kedarnath da pteiñ i wow jia heiwa ynnin u bnai da em kawi kawa haap wei ha uni u bnai leh da em sa kawi tangwa ha kini ki ar sien ym em wa yap wa mynsoo joor. Ynne won i step sa kawi ka Helicopter wa lai cha Kedarnath hi da wiar ko wei hadien da chem wa haap ko ha Gaurikund deiwa em 7 ngut ki bru hapoh wa kynthup ya u Pilot.
Kani ka Helicopter toh ka yong ka Aryan Aviation wei da haap ko ha khloo hapyrdi ka Gaurikund wa Trijuginarayan ha Kedarghati heiwa da iñ ko manda haap ko iwa da suba wa da jia neidaw wa joor u ly’oh wei ym chynna de u Pilot.
Hapoh yong ka em 6 ngut ki bru waheh wa kynthup ya u Pilot uwa tip kam u Rajiv wa i khonboo wa dang 23 bnai.
Ka Uttarakhand Civil Aviation Development Authority (UCADA) da pyntip ko wa ini da jia i ynne i step ka 15 tarik heipor 5:20.
Kiwa yap kynthup ki ya kiwa na Uttarakhand, Uttar Pradesh, Maharashtra wa Gujarat.
Neiliang u Chief Minister ka Uttarakhand, u Pushkar Singh Dhami da pyntikna u yeini wa jia hajan Rudraprayag District deiwa pyntip wa ki SDRF deilang ki bor sorkar da em ki ha ini i thaw.
Puræ leh: Hap hiar syndet ka Helicopter ha sarok, chah ban ka kari wei chah ktah i dukan
Puræ leh: Haap kawi ka Helicopter ha Kedarnath
Discussion about this post