Kamwa 7 ngut kiwa yap wei 14 ngut wa mynsoo nei kai i khyndaw hapoh Tunnel wa dang chna ha Mayapur hajan Pipalkoti, Chamoli District ka jylla Uttarakhand ha i janmiet ka 13 tarik.
Ini da jia i heipor kamwa 6:45 i janmiet ha i Tunnel wa kreh ka Hindustan Construction Company (HCC) kam chibynta yong ka THDC Hydropower Project.
Ka yutip wa tikna da ong wa em 22 ngut wa em hapoh Tunnel heipor wa jia wei da chem ya ki 21 ngut heiwa ya kiwa mynsoo da kit cha thaw sumaar.
Ki bru ka National Disaster Response Force (NDRF), ka State Disaster Response Force(SDRF), ka Army, ka Indo-Tibetan Border Police (ITBP), ka District Incident Response Force (DIRF), ki pulit wa ki Central Industrial Security Force (CISF) da em ki heini i thaw wow kyrriah ya kiwa chah ktah.
U District Magistrate ka Chamoli, u Gaurav Kumar da ong u wa da ye wow pynlait ya ki 16 ngut heipor kamwa 9:00 waje i miet wei dang thooh lada dang em kiwa sahkut.
U Chief Minister ka Uttrakhand, u Pushkar Singh Dhami ynne da lai pait u ya i thaw wa jia.
Discussion about this post