Phra ngut ki bru da yap ki hadien wa ka Hot Air Balloon wa chong ki da haap ko ynnin i step ha Praia Grande, ha Santa Catarina ka ri Brazil.
Kani ka Balloon toh kawa kit 21 ngut wei da kop diñ ko ha suiñ wei da haap noh ko cha khyndaw.
U Pilot kani ka Balloon da lait im u wei da khana u wa i diñ da sdang i ha u chang (Basket) wa chong ki bru heipor wa hær wei da yaleh u wow pynhiar ka wut-wut cha khyndaw heiwa da em 13 ngut wa da kynthih na ka Balloon wa kynthup ya u Pilot tangwa neidaw wa da stiñ kani ka Balloon da sdang ko wow hær chajrong deiwa kitlang ya kiwa dang em hapoh heiwa soo ngut da yap ki neidaw wa kynthiar katwa 4 ngut won da yap ki deiwa chah thang hei diñ.
Ki 13 ngut wa lait im da kit ya ki cha thaw sumaar.
Neiliang ka Company kawa pynlai ya kani ka Balloon da sangeh noh ko wow pynhær ya ki katwa i takit dang lai i chaphrang.
Discussion about this post