Ki 8 ngut kiwa lai puræ Engineer ha ka College wa em ha Dindigul, Tamil Nadu da dooh ki yei mynsien yong ki hadien wa tyrrah ka kari ki wa kawi ka Truck wa pynyieñ ha rood sarok iwa da jia ha Thrissur District ka Kerala hei miet ka 4 tarik uni u bnai.
I thaw wa jia ini toh ha Panambikkunnu ha Kaipamangalam heipor 11:40 i miet heiwa ka kari ki da tyrrah ko nadien ka Truck wa em Number Maharashtra wei ha ini wa jia ki 6 ngut da khlaad ki pyn ha ini i thaw katwa kiwi ki ar ngut won da yap ki manda poi ha Hospital.
Kani ka kari ki da pra ko phrai wei da hap wow khloh ya kini ki 8 ngut napoh kani ka kari.
Ki pulit da pyntip ki wa kani ka Truck da pynyieñ ko pyrchah ya ka aiñ hei liang timun u sarok National Highway 66 hajan i thaw wa khang ya u sarok neidaw wa dang pynchna wei da em leh i pynyait namo ki Diversion ya u sarok.
Kani ka kari toh kawa wan neiliang Guruvayur yow lai cheiliang Kodungallur heipor wa jia ini.
Kini kiwa yap 5 ngut toh kiwa na Dinigul, ar ngut na Madurai wa uwi na Salem.
Uwa yah ya ka Truck da yut u na ini i thaw heiwa ki pulit da pynngat ki hapoh ka Section 105 ka BNS kawa yatoh wa ki kaam wa poi chei yap bru.
Dang ini wa dep ka Supreme Court da pynmih hukum ko wow khang yei pynyieñ ki Truck harood sarok heiwa da phah ya ka NHAI wow booh da ki Truck Lay-Bye yow man kam ki thaw pynyieñ kari.
Discussion about this post