Ha iwi na i jia wym poi pyrkhat ha i thaw wym em haap de hapoh ka AFSPA ka jylla Manipur, ki bru wa kieñ suloi da hiar thma ki ya ki chipai Assam Rifles ynnin heipor 05:50 i janmiet.
Kini ki chipai toh kiwa lai da ka kari Tata 407 ha u sarokbah National Highway 2 ha Nambol Sabal Leikai, Bishnupur District ka Manipur yow lai na Imphal cha Bishnupur deilang wa kiwi ki kari.
Syndet kini ki kari da chah siat ki da ki suloi Automatic Rifles ha ki bru wym tipmit ha u sarokbah.
Ha ini i chah hiar thma da yap ar ngut ki chipai Assam Rifles katwa san ngut won da mynsoo ki wei da kit ya ki cha RIMS Hospital wow yoh ki yei chah sumaar.
Katkam wa man kattæ ympu em kawon kawon ka seiñ wa kam wa emkti hajrong ini.
Uwi na kiwa mynsoo toh uwa na Tura uwa tip kam u LP Sangma uwa man kam u chipai ka Assam Rifles uwa dang em hei chah sumaar.
Kiwa yap da tip kam u Nb Sub Shyam Gurung wa u Rfn Ranjit Singh Kashyap kiwa na ka 33 Assam Rifles.
Neiliang ka Kuki Liberation Army-Letkholun (KLA-L) da pynbaad ko wa yeini da leh da ki Meitei tangwa ki Meitei da ong ki wa da leh da ki Kuki yeini.
Discussion about this post