Ar ngut ki khynroo kiwa dang liwan na ka Jingiaseng Synod Rangbah yong ka Ri Bhoi Presbyterian Synod kawa da man ha Diwon, da dooh noh ki yei mynsien hadien wa tyngkhooh wa kawi ka Bus kawa dang liwan na kani hi ka yaseiñ.
Ini da jia i hei miet ka 8 tarik uni u bnai heipor kamwa 8:00 waje haroh ha ka thaaiñ Umran Dairy. Wei da pyntip wa kini ki ar ngut toh kiwa chong da ka Scooty wei da knieh ki wow lai chakhmat kani ka Bus wa dang wan na ka yaseiñ Synod.
Ha ini i por da suba wa da tyngkhooh wa kani ka Bus iwa da pynman ya ki wow mynsoo joor hadooh wa dooh noh ki yei mynsien.
Kani ka Bus toh kawa em ya u Number ML-01-7432, katwa ka Scooty won toh kawa em Number ML-05N-9547.
Kitai ki ar ngut kiwa da khlaad noh toh uwa tip kam u Eliphast Umbah (24 snem) uwa na ka chnong Umdohkha, uwa da khlaad noh ha itai hi i thaw wa jia, wa u Ribansuk Syngkli (29 snem) uwa na chnong Bhoirymbong, uwa da chah rah noh cha CHC Umsning tangwa da khlaad noh u neiwa mynsoo joor.
Hadien wa jia, ki pulit yong ka Umsning Police Station dapoi ki ha kani ka thaw yow pynman ya ka takit yow chem yei daw wa jia ini.
Video Link: https://www.facebook.com/share/v/1AJkS8imSM
Discussion about this post