Jowai: Ynne ka sngi da em i jia wa sñiawsih ha chnong Charbatapara, hajan Phulbari, West Garo Hills heiwa ar ngut da dooh ki yei mynsien wei da mynsoo le ngut hadien wa dat u pyrthat ki.
Heiyatoh wa ini u MLA ka thaiñ, u S.G. Esmatur Mominin da pyntip u cha u montri rangbah ka jylla, u Conrad K. Sangma yeiwa jia wei wow e yarap cha kiwa ha yung kini ki ar ngut wa da khlaad.
Da pyntip u leh yeini cha u Deputy Commissioner ka West Garo Hills wow paan yarap cha kini ki manyung.
U Mominin da lai pait u ya kini kiwa mynsoo kiwa dang chah sumaar ha iwi i hospital wa em ha Goalpara District ka Assam.
Discussion about this post