Kamwa 6 hadooh 10 ngut ki chipai Pakistan da yap ki wei da ye leh u tympra ya ki le tylli ki thaw rieh ki damok kieñ suloi hadien wa hiar thma ki chipai ka Indian Army kam ka jubab ya i thmu wow pynpsiah damok ki chipai Pakistan ha ka thaaiñ Tangdhar yong u Line of Control (LoC).
Ha ini i jia da yap leh ar ngut ki chipai ka Indian Army wa uwi u bru paidbah hadien wa sdang ka Pakistan u siat cha chiliang u LOC ha Tangdhar Sector ka Kupwara, Jammu and Kashmir ynnin i miet wa ynne i step synyaw.
Neiliang u khlieh ka Indian Army, u General Bipin Rawat da ong u wa katkam ka yutip wa da yoh da yap hadooh 6-10 ngut ki chipai Pakistan hadien wa jubab ki chipai India wow jubab yeiwa siat ka Pakistan wei ha ini i jubab da ye leh wow tympra hadooh le tylli ki thaw rieh ki damok na ki seiñ kieñ suloi.
U General Rawat da ong u wa ynnin ki chipai ka Pakistan da yaleh ki wow pynpsiah ya ki damok kieñ suloi ha ka thaaiñ Tangdhar tangwa ki chipai ka Indian Army da khanglaad ki yeini deiwa jubab khor ka i thmu ka Pakistan.
Da ong chooh chooh u leh wa nadooh wa tynyap ya ka Article 370 ka Pakistan da pyrchang bha ko wow phah ya kini ki damok cha Jammu & Kashmir wow pynthut yei chongsuk hapoh ka jylla tangwa ka Indian Army u yaleh ko katwa ye u pyndooh pyndam yeini.
Ka Indian Army ynne ka sngi da pynemkaam ko da siat ko da ki bom wa da mang kyrpang ya ki thaw rieh ki damok kieñ suloi ha Pakistan Occupied Kashmir (PoK).
Discussion about this post