Ha iwi i jia wa khyrngiat ha Guwahati Medical College and Hospital (GMCH), i khonboo wa dang 15 sngi wa em ha Neonatal Intensive Care Unit (NICU) da yap i ynne i step hadien wa haap i na ka palong Phototherapy wa thiah i.
Ini i khonboo toh i yong ka Smita Deka kawa na Noonmati wei da li booh cha thaw sumaar neidaw wa kjut stem i (Jaundice) wei katkam wa ong u Principal ka GMCH, u Dr. Achyut Chandra Baishya, hei step heipor wa lai pait kiwa kreh da yoo ki ya ki le ngut ki khonboo wa haap na ka palong wei iwi ymye de wow yarap hanlada pyrchang katwa ye.
U Dr. Baishya da ong u wa da kha ya ini i khonboo 15 sngi chwa wei em i hapoh ka Phototherapy wow sumaar Jaundice. Heipor 5:30 i step ka bei da pyntip ko wa da haap ini i khonboo wei da pyrchang katwa ye tangwa ymye u yarap ya ini i khonboo deiwa pynrap wa da booh ya ka Senior-most Inquiry Committee wow takit yeini.
Chooh chooh da ong u wa em 21 ngut ki khonboo wa chah sumaar ha NICU heipor wa jia ini wei da kular wow chimkhia hajrong iwa jia.
Da suba wa da pynthiah ya kini ki le ngut ki khonboo heijooh i thaw neidaw wa khynnia ware kani ka thaw sumaar tæ jia ini.
Ka Hospital da kular ko leh wow pynchitom ya kiwa emkti manda pyndep ya ka takit.
Discussion about this post