Ka bru wa ka’it bha u chna Reel chaphang ki kaam uiñke suwari kiwa tip hei ktien pharæng katni kam ki Travel Influencer, da khlaad noh ko hadien haap ko chapoh synrang heipor wa dang riñ dur ko ha khlieh yong kawi ka kachaaid.
Kani ka bru toh kawa tip kam ka Aanvi Kamdar (26 snem) kawa na Mumbai, heiwa ha ka 16 tarik uni u bnai da lai ko cha kchaaid Kumbhe wa em ha Raigad, Mangaon District, Maharashtra.
Da lai ko cha ini i thaw ha ini i por slap yow pait yei heh ka kchaaid wei heipor wa chondur wa riñ Video ha khlieh kani ka kchaaid da tler ko wei da haap chapoh synrang wa yillu 350 ft.
Ki lok wa emlang wa ka da pyntip ki wut-wut cha ki pulit tangwa ym ye wow lai thooh ka neidaw wa joor ware u slap.
Kamtæ hadien wa duna u slap da ye u hiar cha kani ka synrang hadien kamwa 24 kynta wei da chem wa ka toh kawa dang im tangwa da mynsoo ko wei da chah ban ko leh ha ki moo wa haap wei da ye u sai ka napoh kani ka synrang yow lai booh cha Hospital tangwa da khlaad noh ko.
Ka Aanvi toh kawa kreh kam ka Chartered Account ha Mumbai.
Discussion about this post