U Montri Rangbah ka Assam, u Himanta Biswa Sarma da pynsñiaw u yei sñiawkhia wa joor yei kylla dur ki bru wa sah ha khappood ka Assam deiwa ong wa kani toh ka kaam yap kaam im.
Da ong u wa ha ki phaw snem wa da lai, ki Muslim kiwa jooh em 12-14% nei boon bru ka jylla ha u snem 1951, katni da ku ki cha 40% wei da man ki kam ki heh paaid ha kiwa boon ki District.
Yeini da ong u hawa yaklam wa kiwa thoh khubor ha Ranchi, Jharkhand ynnin ka sngi heiwa da ong u wa ini ymtoh i kaam Politics tangwa i yap i im.
Da lai u cha Jharkhand yow lai yalap Election heiwa da ong u wa ka sorkar wa yahkhmat da ka JMM ha kani ka jylla ym em chimkhia ko ya kitu kiwa psiah pyrchah aiñ kiwa wan wow bia wa ki kynthai jaitbru ri-loom wei lada wan da ka BJP hei bor daw pyntikna ko wow yada na kam kini ki jait.
Da ong u wa oo ha Assam da yaleh pyrchah u man-ka-sngi ya kitu kiwa wan psiah pyrchah aiñ tangwa iyi leh kani ka sorkar ha Jharkhand ya ini.
U Himanta nadooh wa wan u hei bor da jooh ong u wa i boon bru toh iwi na i daw wa wanrah yei dooh i duk deiwa e nongmuna u yei dooh ki Muslim ha Assam neidaw wa boon bru ki.
Discussion about this post