Yap kawi ka manbei hadien wa oor ka kari ki cha synrang ha Riatturiem

Jowai : Ynnin ka miet heipor kamwa 11 waje ka wi ka kari Chevrolet Enjoy da noh ko cha synrang ha Riatturiem heiwa da dooh ya i mynsien yong ka wi ka bru wa tip pyrtuid kam ka Rekha Rani Chakraborty kawa 75 snem i rta.

Kani ka kari wa dang thymme kawa ym pu em number dang wan ko na NEIGRIHMS, Shillong hadien dep sumaar ya ka Rekha yow lai cha Karimganj.

Katkam iwa ong kiwa sakhi, kani ka kari dep ko u chim pass ya ka wi ka Alto noh ko sak cha synrang heipor wa dong ko.

Hapoh kani ka kari em soo ngut ki bru heiwa u Debu Chowdhury uwa 70 snem i rta leh da mynsoo joor u. Uwa yah kari ym em u mynsoo joor u katwa sa ka wi ka kynthai ka pyrsa kurim ka Rekha da mynsoo ko malu mala.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya kiwa mynsoo da sai ya ki da ki pulit wa ki paidbah wei da kit ya ki cha Ialong Civil Hospital da ka kari 108.

Ka Rekha manda poi ko ha Hospital khlad ko katwa ya u Debu da kit cha NEIGRIHMS wa joor i mynsoo u.

Kawa khlaad toh na ka chnong Dullabcherra, Karimganj, Assam.