Yap ki 18 ngut na ki 3 pateiñ kawi ka manyung hei iñ ka Bus kiwa na Hyderabad ha Medina

I tyrrah kari wa da jia ha i step synyaaw ka 17 tarik ha Medina, Saudi Arabia da wanrah i yei yap ki 45 ngut kiwa na sorbah Hyderabad wei ini da jia i heipor wa tyrrah ka Bus wa chong ki ya ka kari kit phñiang Diesel.

Na kini ki 45 ngut, 18 ngut toh kiwa na kawi ka manyung iwa man le pateiñ kani ka yung.

Kini ki bru da lai ki cha Medina hadien wa pyndep ya ka Umrah namo i lai Pilgrim na Mecca.

U Shaik Nazeeruddin, uwa da chong-ngiah na ka chnat Railway da em u ha kani ka Bus wei chirup wa ka kurim u, soo ngut ki khon (1 chynrang, 3 kynthai) wa ki ksu u.

Neiliang u pyrsa u Shaik, u Mohammed Aslam da pyntikna u wa 18 ngut na ka yung u wa da yap kiwa kynthup ya 9 ngut ki waheh wa 9 ngut ki khynnah.

Related posts

Kiwa poi chakhmat ye ki wow jied ya kawon ka College wa kwah ki u lai puræ MBBS: Wailadmiki

October 6, 2026

U pynman noh ya ka Selection Test ya kiwa kwah u lai puræ ha ka Umladkhur Eklavya Model Residential School

October 6, 2026

Kini kiwa da yap kynthup ki ya u Nazeeruddin (70); ka kurim u, ka Akhter Begum (62); u Salauddin (42); ka Amina (44); ka Rizwana (38); ka Shabana (40) wa ki 12 ngut ki khon yong ki.

U Police Commissioner ka Hyderabad, u V. C. Sajjanar da pyntikna u wa 45 ngut ki Pilgrim na India wa da yap heiwa boon na ki toh kiwa na Hyderabad.

Neiliang u Aslam da kyntu u ya ki bor sorkar wow pynman yei takit yeiwa jia wei wow sylli ya ka Travel Agency kawa da pynkhreh ya ki wow lai ki.