Ki soo ngut kiwa chiyung da dooh noh ki yei mynsien hei miet ka Diwali ka 8 tarik hadien da noh ka kari ki chapoh ka wah Mahanadi ha Gariaband District ka Chhattisgarh ha i bynta wa tip kam i Tila Anicut ka Rajim wa man kam ka Dam khian.
Kiwa yap toh ki chi kurim kiwa kreh kam ki Journalist wa ki ar ngut ki khon ki, kawi kawa 21 snem wa uwi uwa 19 snem wei i chnong ki toh na Pasoud.
Katkam ka khubor wa da yoh, kini ki chiyung dang wan lehkmen Diwali ki na Raipur heiwa ini da jia i heipor wa liwan ki cha chnong wei da antaad heipor kamwa 11:00 waje i miet lane ha ki kynta wa kylla tarik.
I chnong ki toh iwa jngai kamwa du 3 Km na ini i thaw wa jia.
Kini kiwa yap toh u Shital Sahu wa ka kurim u, ka Bharti Sahu, u khon ki u Vikas Sahu (19) wa ka khon ki, ka Purva Sahu (21).
Hadien wa kiwa emyatoh ki da phylla ki wa slem ki u poi yung hadooh 2:00 waje i step leh, da mih ki wow lai thooh ki wei manda poh ki ha Anicut Dam da chem yeiwa em ki chrot khian wa chah tyrrah wei manda lai ki chajan ka wah da yoo ki ya ka kari.
Discussion about this post