Ynne i step kiwa lai khwe ha Rampyrthai iwa man i bynta ka yong ka Wah Myntdu ha Jowai, da yoo ki ya uwi u sainar bordiñ uwa da tkut wei uwa da ngam chi bhah hapoh ka um.
Da chem ki leh ya ki dakha kiwa pær ha sla um wei da suba wa kini ki dakha da yap ki hadien wa haap uni u sainar ha ka um.
Katkam ka yutip wa da yoh na ki sahep ka MeECL, da ong wa uni u sainar 11 Kv da tkut u ha i thaw pteiñ hadien wa dat u pyrthat wei uni u sainar man u uwa khia wei da haap noh u ha um.
Hadien wa tkut uni u sainar da wanrah i leh yei dooh bordiñ ki kattu katni ki chnong ha Jowai kam ka Chiliangraij, Pohhali, Panaliar wa ka Loomiongkjam wei da ye biang u chna waroh heipor kamwa 3:00 waje i sngi.
