theme-sticky-logo-alt
theme-logo-alt
Advertisement ad1

Dang yang ya i rai ka Kasari chwa wow kyrriah ya ki bru na Them Ïewmawlong: Prestone

U Symbood Montri Rangbah ka jylla, u Prestone Tynsong da ong u wa ka sorkar ympu yoh ko ya ka hukum na ka Kasari Meghalaya High Court, kawa phah wow burom ya ka ‘Status Quo’ heiyatoh wa ka Harijan Colony kawa em ha Them Ïewmawlong.

Ka Harijan Panchayat Committee (HPC) da ujor pyrchah ko ya ka High Level Committee (HLC) da ka ‘Writ Petition’, hajrong i thmu ka sorkar wow kyrriah ya ki bru kiwa sah ha ini i thaw.

Hajrong ini, neiliang u Justice Ranjit More ha ka sngi thohdieñ ka tayaw wa dadep da pynmih hukum u wa ka sorkar wa waroh ki dhab wa yatoh wa ini i kaam toh u burom ki ya ka ‘Status Quo’.

U Prestone uwa man leh u Chairman ka High Level Committee da ong u wa daw pait wei bichaar chwa ya ka hukum ka Kasari wei hadien neitæ ka sorkar daw leh ko yeiwa emkaam.

Katkam wa ong u Prestone hadooh katni ympu kyrriah ya ki bru kiwa sah ha Them Ïewmawlong, tangwa ka sorkar lyngba ki chnat wa pait yeini wa kynthup ya ka Shillong Municipal Board (SMB) da phah wow pynbiang ko ya ki thaw neibynta wow kyrriah ya ki bru na ini i thaw.

Advertisement ad1
Share this:
Previous

Kyntu ka Seiñ Raij Jowai ya ki paidbah wow bood ya ki kyndon COVID-19 ha ka Chaad Sukra

Next

Yap ki dakha ha Wah Myntdu hadien wa tkut u sainar bordiñ