15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Yap ki syiar wa ki sim sa ha Chhattisgarh

Advertisement ad1
Advertisement ad1
Advertisement ad1

Ka Ministry of Fisheries, Animal Husbandry & Dairying ka sorkar India haka kyrwoh da pyntip ko wa hadien wa da pyntikna wa em ka kjut Avian Influenza ha ki syiar wa ki sim hapoh ka ri na ki nongmuna (Sample) wa da Test da ka ICAR-NIHSAD ha ki artylli ki thaw ri syiar ka Panchkula District, Haryana, na ki sim wa wan poi na kiwi ki thaw (Migratory Birds) ha Shivpuri, Rajgarh, Shajapur, Agar, Vidisha District ka Madhya Pradesh, ha Zoological Park, Kanpur, Uttar Pradesh wa ha Pratapgarh wa Dausa Districts ka Rajasthan. Neiliang ka chnat da pynmih ko ya ki kyndon wa hap wow bood ha kini ki jylla kiwa chah ktah. Heiwa hadooh kattæ da em 7 tylli ki jylla wa da tikna wa em kani ka kjut kitæ ha Kerala, Rajasthan, Madhya Pradesh, Himachal Pradesh, Haryana, Gujarat wa Uttar Pradesh.

Da pyntip leh wa ha Chhattisgarh da em leh i yap ki sim ha i miet ka 8 tarik wa ha i step ynne ka 9 tarik da em ki syiar wa yap wa ki sim khloo ha Balod District, Chhattisgarh. Ka jylla da chim ko ya ki nongmuna yow phah cha ki Laboratory yow tip ya i daw wa yap.

Chooh chooh da pyntip ka chnat wa em leh iwa rap phær i yap ki rappasa ha Sanjay Lake, Delhi. Ya ki nongmuna da dep phah cha ki Laboratory. Ki nongmuna yong ki lat’aab wa yap da phah cha ka NIHSAD na Mumbai, Thane, Dapoli, Parbhani wa Beed District ka Maharashtra yow pyntikna lada toh kiwa yap ya na i kjut Avian Influenza.

Share this:
Previous

Daw lehkmen yaka National Youth Day ha East Jaiñtia Hills

Next

Pynkhai chnat thymme wei e yarap ka HNYF cha ki 40 ngut