I laike pyngngaad da wanrah i yei sñiawsih heiwa le ngut ki khynnah kynthai da yap ki nei ngam-um ha ka kchaaid ha Mallugummi, Alluri Sitharama Raju (ASR) District ka Andhra Pradesh wei yeini i jia da yoh u riñ video neibhah wa dang kyndehke ki ha ka um.
Ki pulit da ong ki wa soo ngut ki khynnah da laike ki ha ini i thaw ha ka 9 April wei katwa dang riñ video ka lok ki, da tlær ki wei da ngam ki ha ki bynta wa yillu ka um wei waroh le ngut ymtip ki u yimpa.
Ka khynnah wa riñ video da kbai ko wow paan yarap wei kamjooh wow yarap ya ki tangwa da yap noh ki.
Ki pulit da ong ki wa kiwa yap kynthup ki ya ka S Pavitra (15), ka S Ratnakumari (16) wa ka S Trisha (17) kawi kawa lait won da tip kam ka S Anjali (16) wei kini soo ngut toh kiwa lai skur sorkar.
Kini ki khynnah toh kiwa na chnong Jambuvalasa, Hukumpeta Mandal ka District.
Chooh chooh ki pulit da ong ki wa hanlada ka kchaaid ymtoh kawa heh tangwa kiwa ymtip u yimpa ymtoh u sum ki ha ka wei man ki bru kiwa syndong.
Discussion about this post