Ka Afghanistan Cricket Board (ACB) da pynbna ko wow dam noh u ko u chimbynta ha ka Tri-Nation T20 Series wa daw emlang ka Pakistan wa Sri Lanka, hadien wa yap le ngut kiwa yalehke Domestic Cricket ka Afghanistan nei dat Bomb ka Pakistan ha Paktika Province.
Ka ACB da ong ko wa ini iwa leh ka Paskitan toh iwa tieñslah.
Ka Afghanistan da toh u chimbynta ko ha kani ka Tournament kawa daw pynman ha Lahore wa Rawalpindi nadooh November 5 tarik hadooh ka 29 tarik.
Kini kiwa yalehke Cricket wa yap toh u Kabeer Agha, u Sibghatullah wa u Haroon wei da yap leh 5 ngut kiwi ki nong Afghan kiwa sah ha Urgun District katwa 7 ngut kiwi won da mynsoo ki.
I kynaad hapyrdi ka Pakistan wa Afghanistan da sdang i wow joor nadooh ka 11 tarik uni u bnai wei kiwa yap da em ki da ki dorjon ngut heiwa ha kini ki 48 kynta da em ka rai wow sangeh yasiat (Ceasefire) tangwa ka Afghanistan da pynbaad ko wa ka Pakistan da pteiñ ko wo siat chapoh ka Paktika Province heiwa da toh Bomb ki thaw sah ki bru ha Argun wa Bermal District wa em hajan u Durand Line.
Ka ACB da pyntip ko wa kini ki Player wa yap toh kiwa lai cha Sharana kawa man ka nongbah ka Paktika Province yow chimbynta ha ka Friendly Cricket Match wei hadien wa liwan yung ki cha Urgun heipor wa pynman yalang da chah dat Bomb ki.
Discussion about this post